ფოტო: ფეხბურთელი მანქანით სპორტდარბაზში შევარდა, სადაც ბავშვები თამაშობდნენ

ბელგიაში ფეხბურთელმა სპორტდარბაზის კედელი გაანგრია ავტომობილით, რომელსაც 200 კმ/სთ სიჩქარით მართავდა.

„ლევენის“ ნახევარმცველის სოფიან კიინის მანქანა გზიდან ჰაერში აიწია, რამდენიმე მეტრი იფრინა და დარბაზის კედელს შეეჯახა.

ამტკიცებენ, რომ ფეხბურთელის „მერსედესი“ 200 კმ/სთ სიჩქარით მიჰქროდა, როდესაც შეზღუდვა 90 კმ/სთ-მდე იყო.

„ავარიის დროს შენობაში ბავშვები იმყოფებოდნენ, მაგრამ ისინი ზუსტად შეჯახების წინ გასახდელში წავიდნენ“, – აცნობა ადგილობრივმა სპორტულმა ჩინოვნიკმა ფაბიან პავონმა.

კიინი გადაუდებელი დახმარების განყოფილებაში გადაიყვანეს, მას მრავალი დაზიანება აქვს, თუმცა სიცოცხლეს საფრთხე არ ემუქრება. აი შარში კი უეჭველი გაჰყო თავი.