ვიდეო: სამარცხვინო მსაჯობა საქართველოს მესამე ლიგაში!

მე-3 ლიგაში მონაწილე ტყიბულის “მეშახტე” “კოლხეთი 1913”-თან 1:2 დამარცხდა. მატჩის მსვლელობისას შეხვედრის მთავარი არბიტრის, თ. კალაძის ობიექტურობამ კითხვის ნიშნები დატოვა.

“მეშახტემ” საკუთარ “ფეისბუქგვერდზე” ვიდეო გაავრცელა და მსაჯი მიკერძოებულობაში დაადანაშაულა.

“5 წუთიან მონაკვეთში (62-67 წუთებზე), როცა ანგარიში 1:1 იყო და უპირატესობას ტყიბულლები ფლობდნენ მატჩის მთავარმა არბიტრმა თ.კალაძემ ჯერ 100%-იანი თერთმეტმეტრიანი არ დანიშნა სტუმართა კარში, შემდეგ კი მეკარესთან პირისპირ დარჩენილი ბაღდავიძის წინაღმდეგ ბოლო იმედის ჯარიმის დროს მცველი არ გააძევა და მხოლოდ ყვითელი ბარათი უჩვენა
გარდა ამ 2 ეპიზოდისა 90 წუთის განმავლობაში ყველაფერი გააკეთა იმისათვის, რომ დღეს ტყიბულის მეშახტეს წაეგო

ვითხოვთ უმკაცრესად დაისაჯოს მთავარი მსაჯი!..
▪️დღეს რაც ხდებოდა მოედანზე მხოლოდ ქართულ ფეხბურთს დააზარალებს!!!” – წერია “მეშახტის” განცხადებაში.

იმედია, ფეხბურთის ფედერაცია ჩაერთვება და გაარკვევს ამ ამბავს, დადასტურების შემთხვევაში კი მსაჯთა ბრიგადა იმედია მკაცრად დაისჯება, რადგან ეს ყველაფერი მხოლოდ და მხოლოდ ქართულ ფეხბურთს დააზარალებს.