Vakhtang Daraselia
მსოფლიო ჩემპიონატის ყოველ ორ წელიწადში ერთხელ გამართვის გადაწყვეტილებამ შესაძლოა სერიოზულ ფინანსურ დანაკარგებთან მიიყვანოს უეფა და ეროვნული ჩემპიონატები.
აუდიტორულმა კომპანია KPMG კვლევა ჩაატარა Delta Partners-თან ერთად. შედეგების მიხედვით, დაასკვნეს, რომ ეროვნულ ჩემპიონატებს სერიოზული დარტყმა მიადგებათ თუ მუნდიალი ორ წელიწადში ერთხელ ჩატარდა.
კერძოდ, სეზონში ლიგებმა და უეფამ შესაძლოა 8 მილაირდი ევრო დაკარგონ ტელეუფლებებისა და მატჩებიდან შემოსავლების გამო. აქედან 5 მილიარდი უშუალოდ აუდიოვიზუალური უფლებებია. მატჩების რაოდენობის შემცირების გამო ლიგები დაახლოებით 1.75 მილიარს ევროს იზარალებენ, კიდევ 901 მლნ ევროს – კალენდარში ცვლილებების გამო, რადგან ბევრი მატჩი უქმეებიდან სამუშაო დღეებში გადაინაცვლებს.
რეკლამაზე ლიგები და უეფა 2.16 მლრდ ევროს დაკარგავენ (მიმდინარე შემოსავლების დაახლოებით 25%). მატჩ-დეის დანაკარგი 1.2 მლრდ ევროდ ფასდება (ასევე დაახლოებით 25%).
პროგნოზის თანახმად, თუ მსოფლიო პირველობა ყოველ ორ წელიწადში გაიმართა, ლიგების შემოსავალი 14 მილიარდზე მეტი ევროდან 9 მილიარდამდე დავარდება.
გარდა ამისა, მუნდიალის ჩატარების ახალმა ფორმატმა შესაძლოა ეროვნულ ჩემპიონატებში გუნდების შემცირება გამოიწვიოს. ვარაუდობენ, რომ მაყურებლის ინტერესი ფეხბურთის მიმართ დაეცემა.
კვლევაში გაითვალისწინეს არა მარტო ევროპის ტოპ 5 ლიგა, არამედ MLS, ასევე მექსიკის, იაპონიისა და სამხრეთ აფრიკის ჩემპიონატები.
GIPHY App Key not set. Please check settings