საქართველოს ეტლით მოფარიკავეთა ნაკრებმა პიზის მსოფლიო თასზე ასპარეზობა 7 მედლით დაასრულა.
ქართველმა პარამოფარიკავეებმა, რომლებიც სამ დისციპლინაში გამოდიოდნენ (ხმალი, რაპირა, დაშნა, A და B კატეგორიები) იტალიაში 2 ოქროს, 1 ვერცხლის და 4 ბრინჯაოს მედალი მოიპოვეს.
ორივე ოქროს მედალი ირმა ხეცურიანმა მიპოვა – ხმლითა და რაპირით ფარიკაობაში. ვერცხლის მედალი გვანცა ზადიშვილის ანგარიშზეა. ნინა თიბილაშვილმა ხმალში, რაპირასა და დაშნაში ბრინჯაოს 3 მედალი მოიპოვა.
რაპირით გუნდურ ასპარეზობაში საქართველოს ნაკრებმა მესამე ადგილი დაიკავა და მეოთხე ბრინჯაოს დაეუფლა.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
GIPHY App Key not set. Please check settings