2 წლის შემდეგ, ზელანდია მსოფლიოში პირველია:ბორჯღალოსნებისთვის არაფერი შეცვლილა

ახალი ზელანდიის ეროვნული ნაკრები მსოფლიო რაგბის რეიტინგის სათავეში დაბრუნდა. “ოლ ბლექსი” 2019 წლის ოქტომბრის შემდეგ პირველად გალიდერდა, რისი წინაპირობაც გასულ უქმეებზე ავსტრალიურ ბრისბენში გამართული რაგბი ევროპის ჩემპიონატის მე-4 ტურის მატჩები გახდა.

შეგახსენებთ, რომ ზელანდიელებმა არგენტინას 36:13 მოუგეს, მასპინძელმა ავსტრალიამ კი ზედიზედ მეორედ სძლია მსოფლიოს მოქმედ ჩემპიონ სამხრეთ აფრიკას. შედეგად, “ოლ ბლექსმა” პირველ ადგილთან 2.17-ქულიანი ჩამორჩენა გაქვითა და 91.15 ქულით პირველობა სწორედ “ქურციკებს” აართვა.

კლასიფიკაციის საუკეთესო ხუთეულს მიღმა ცვლილებები არ მომხდარა, ამდენად, იგივეა საქართველოს ეროვნული ნაკრების მაჩვენებელიც. “ბორჯღალოსნების” აქტივში 73.73 ქულაა და მათ მე-12 საფეხური უკავიათ. ქართველი მორაგბეების წინ ფიჯია (76.87), უახლოესი მდევარი კი ოკანეთის კიდევ ერთი წარმომადგენელი სამოაა (73.59)