დიდი ეპოქა სრულდება: მესი ბარსას ტოვებს

ოფიციალურად! ლეო მესი „ბარსელონას“ ტოვებს!

კატალონიურმა კლუბმა დაადასტურა, რომ არგენტინელი ფეხბურთელის კონტრაქტი აღარ გახანგრძლივდება.

„მიუხედავად მიღწეული შეთანხმებისა, კონტრაქტის გაფორმება ლა ლიგის რეგულაციების გამო შეუძლებელი აღმოჩნდა“, – წერს „ბარსელონა“ ოფიციალურ განცხადებაში.

გუშინ ყველა ავტორიტეტული გამოცემა წერდა, რომ ლეო მესი „ბარსელონასთან“ კონტრაქტს გაახანგრძლივებდა – მხარეებს შორის შეთანხმება შედგა და მხოლოდ ოფიციალური განცხადების გაკეთება რჩებოდა.

თუმცა, რამდენიმე საათის წინ Marca-მ ექსკლუზიური ინფორმაცია გამოაქვეყნა, რომ მხარეებს შორის გარკვეული პრობლემები შეიქმნა და არგენტინელი წასვლასთან ახლოს იყო და რამდენიმე საათში ეს ინფორმაცია ოფიციალურად „ბარსელონას“ ოფიციალურმა ვებგვერდმაც დაადასტურა.