ტოჩინოშინის მესამე მარცხი ნაცუ ბაშოზე

ქართველი ექსოძეკი ტოჩინოშინის ზედიზედ მეორე მარცხი. მაისის სუპერტურნირის ნაცუ ბაშოს მეოთხე დღეს ქართველი გოლიათი მეექვსე მაეგაშირად განთესილ ჰიდანოუმის დაუპირისპირდა და მიმდინარე ბაშოზე მესამე მარცხი იწვნია.

ნათლად ჩანს, რომ ტოჩინოშინს მუხლის ტრავმა აწუხებს და ფეხზე მყარად დგომა უჭირს. ქართველს ჰიდანოუმიმ კარგი ტაჩიაის (საწყისი დაჯახება) ფონზე აჯობა და კლასიკური იორიკირით გაიყვანა დოჰიოდან.

ოთხი დღის შემდეგ, ტოჩინოშინს ბალანსი 1:3-ზე გაუხდა. ხვალ ქართველის მეტოქე მე-5 მაეგაშირა ონოშო იქნება.