ვილაშ-ბოაში პორტუგალიის რალიზე გამოდის

ცნობილი პორტუგალიელი მწვრთნელი ანდრე ვილაშ-ბოაში, რომელიც კარიერის განმავლობაში ისეთ გუნდებთან მუშაობდა, როგორიცაა „ჩელსი“, „ტოტენჰემი“, „პორტო“, პორტუგალიაში, რალის მსოფლიო ჩემპიონატზე ასპარეზობს.

ვილაშ-ბოაში ამჟამად უმუშევარია. „მარსელის“ მთავარი მწვრთნელის პოსტი მან გასულ მარტს დატოვა.

რაც შეეხება პორტუგალიის რალის, ვილაშ-ბოაში მონაწილეობას „სიტროენით“, WRC3 კატეგორიაში მიიღებს. პორტუგალიელ სპეციალისტს რბოლებში მონაწილეობის გამოცდილება ადრეც ჰქონია – 2018 წელს ბოაში „დაკარზე“ გამოდიოდა, თუმცა ფინიშის ხაზამდე მიღწევა ვერ შეძლო. ის სერიოზულ ავარიაში მოხვდა, თუმცა რალის მიმართ განსაკუთებული სიყვარული არც ამის შემდეგ დაუკარგავს და მალევე მსოფლიო ჩემპიონატზეც გამოვიდა.