საქართველოში VAR წლის ბოლომდე უნდა დაინერგოს

საქართველოს ფეხბურთის ფედერაციის განცხადებით, აქტიური სამუშაო მიმდინარეობს VAR-ის სისტემასთან დაკავშირებით.

ტექნოლოგია, რომელმაც ბევრი რამ შეცვალა. ოდნავ დროში გაწელილი, თუმცა აშკარად სამართლიანობისათვის მებრძოლი. მოკლედ, ეკრანირებული დონ კიხოტია.

საქართველოში ამ სისტემის დანერგვა დიდი და კარგი ნაბიჯია, თუმცა აქ არაერთი მაგრამ არსებობს.

1) ვარის დანერგვას სპეციფიკური მოთხოვნები აქვს. მაგალითად, „დინამო არენა“; „აჭარაბეთ არენა“; „მიხეილ მესხის არენა“ – ამ სტადიონებზე უპრობლემოდ დაინერგება, თუმცა დანარჩენზე რა გითხრათ. შოტლანდიამ ახლა მიიღო ვარის გამოყენების გადაწყვეტილება, თუმცა „სელტიკ პარკისა“ და „აიბროქსის“ მიღმა ჯერ ვერსად.

ცხადია, ესეც დიდი ნაბიჯია და ამის საწინააღმდეგო რა უნდა იყოს. ბოლობოლო, ევროპისკენ კიდევ ერთი ნაბიჯი გადაიდგმება, მთავარია დროში ძალიან არ გაიწელოს.