როდის არის ახალი სეზონი? აი სტარტის ძირითადი თარიღები

ევროპის ახალგაზრდულ ჩემპიონატს თუ არ ჩავთვლით, ახლა დიდი ფეხბურთი ისვენებს. წინა კვირას სანაკრებო მატჩები მაინც იყო, ახლა კი ფეხბურთელები შვებულებებში არიან, თუმცა გუნდები მალე შეიკრიბებიან (უფრო ივლისის დასაწყისში) ) და მზადებას დაიწყებენ. თუმცა დატვირთულ შაბათ-კვირამდე ჯერ კიდევ მოგვიწევს ლოდინი.

რამდენიმე ლიგამ უკვე გამოაქვეყნა კალენდრის დეტალები, თუნდაც მთავარმა, პრემიერლიგამ.

გარდა ამისა, არ დაგვავიწყდეს, რომ სუპერთასებია. 6 აგვისტოს „უემბლიზე“ „სიტი“ „არსენალს“ შეხვდება. 12-შია „ბაიერნი“-„აინტრახტი“. პლუს „სიტი“ და „სევილია“ ევროპის სუპერთასზე – 15 აგვისტოს.

ასევე არ დაგვავიწყდეს, რომ ეროვნული პირველობების სტარტამდე ევროთასების საკვალიფიკაციო მატჩებიცაა, რომელშიც ქართული კლუბებიც გამოდიან.

ტოპ ლიგების სტარტი

პრემიერლიგა – 11 აგვისტო
ლა ლიგა – 11 აგვისტო
ლიგა 1 – 12 აგვისტო
ბუნდესლიგა – 18 აგვისტო
სერია ა – 19 აგვისტო

ჩემპიონშიფი – 4 აგვისტო
პორტუგალია – 11 აგვისტო
ნიდერლანდები – 11 აგვისტო

ევროთასები

ჩემპიონთა ლიგა – 19 სექტემბერი
ევროპა ლიგა – 21 სექტემბერი
კონფერენს ლიგა – 21 სექტემბერი