ხვიჩა ევროპის ყველაზე პროდუქტიულ ფეხბურთელებსა და ტოპ ლიგების მეპასეებშია

ევროპაში სეზონი დასრულდა და შეჯამების დრო დადგა. სტატისტიკური პორტალები რას არ ითვლიან და აგერ კიდევ ერთი: ყველაზე პროდუქტიული ფეხბურთელები. მათ შორის მოხვდა ხვიჩა კვარაცხელიაც.

ფეხბურთელები გოლი+პასის შედეგებით გამოარჩიეს.
ხვიჩა სიაში მე-7 ადგილზე აღმოჩნდა.
ქართველმა თავდამსხმელმა 22 ქულა დააგროვა – 12 გოლი და 10 საგოლე პასი.

აღვნიშნოთ, რომ სიაში მხოლოდ ის ფეხბურთელები მოხვდნენ, რომელთა ანგარიშზეც ორნიშნა (ანუ 10 და მეტი) რაოდენობის გოლი და პასია.

ევროპის ტოპ 5 ჩემპიონატის ყველაზე პროდუქტიული ფეხბურთელები:

1. ლეო მესი (პსჟ, 31 ქულა, 15+16)
2. მოჰამედ სალაჰი („ლივერპული“, 30 ქულა, 19+11)
3. ანტუან გრიზმანი ( „ატლეტიკო“, 27 ქულა, 14+13)
4. რენდალ კოლო-მუანი („აინტრახტი“, 25 ქულა, 14+11)
5. ნეიმარი (პსჟ, 24 ქულა, 13+11)
6. ბუკაიო საკა („არსენალი“, 24 ქულა, 13+11)
7. ხვიჩა კვარაცხელია („ნაპოლი“, 22 ქულა, 12+10)
8. ჯამალ მუსიალა („ბაიერნი“, 21 ქულა, 11+10)

შეგახსენებთ, კვარაცხელია სერია ა-ს საუკეთესო ფეხბურთელი გახდა.

აქვე ვთქვათ, რომ ხვიჩა ტოპ 5 ლიგის საუკეთესო მეპასეებშიც მოხვდა, ის სერია ა-ში საუკეთესო ასისტენტია.