ხვიჩათი მანჩესტერი დაინტერესდა

უამრავ ინგლისურ საიტს ახალი ამბავი მოედო: ხვიჩა კვარაცხელიათი „მანჩესტერ იუნაიტედი“ დაინტერესდა. ამაზე წერენ tribuna; thesun; football365; calcionapoli24; metro; strettynews.

ეს ინფორმაცია ინგლისელმა ჟურნალისტმა მაიკ კიგანმა გაავრცელა.

საქმე ისაა, რომ „მანჩესტერს“ ორ შემტევ ფეხბრუთელთან დაკავშირებით პრობლემა შეექმნა. ბრაზილიელი ანტონი სექსუალური ხასიათის სკანდალშია გახვეული, ჯეიდონ სანჩოს მწვრთნელთან აქვს უთანხმოება. მსოფლიო ფეხბურთის გრანდმა კი ალტერნატივისთვის „ნაპოლის“ ფეხბურთელისკენ გაიხედა.

სატრანსფერო ფანჯარა დახურულია და ეს გადასვლა თუ შედგა, ყველაზე ადრე იანვარში, თუმცა ჯერ ამაზე საუბარიც ადრეა. ისე იანვარზე უფრო იჯარაზე საუბრობენ, სრულფასოვანი ტრანსფერი კი სეზონის განმავლობაში ნაკლებად სავარაუდოა.