წიტაიშვილი კიევის დინამოშია და შვეიცარიაში ემზადება

გიორგი წიტაიშვილი კვლავ კიევის „დინამოშია“ და უკრაინულ გრანდთან ერთად ვარჯიშობს. მოგეხსენებათ, ქართველმა შემტევმა გასული სეზონის მეორე ნაწილი კრაკოვის „ვისლაში“ გაატარა.

„დინამო“ შვეიცარიაშია, სადაც სპარინგ-მატჩებს გამართავს. ერთი უკვე ითამაშა ადგილობრივ „ივერდონთან“ (შვეიცარიის ჩემპიონატის მეორე დივიზიონი) – 1:1.

ქართველი ფეხბურთელი ძირითადში იყო და მეორე ტაიმში შეცვალეს. წიტაიშვილმა ფლანგზე ითამაშა და საკმაოდ აქტიურადაც.

აღსანიშნავია, რომ კიეველთა ყველა მატჩი საქველმოქმედო მიზნებისთვის იმართება სლოგანით – „თამაში მშვიდობისთვის. შეაჩერე ომი“. შემოსული თანხა მოხმარდება უკრაინაში ჰუმანიტარული პრობლემების გადაჭრას.

„დინამო“ მომდევნო შეხვედრას 29 ივნისს ისევ ადგილობრივ კლუბთან, „ლოზანასთან“ გამართვს.

კიევის „დინამოს“ ოფიციალურ მატჩი 20 ივლისს უწევს, ჩემპიონთა ლიგის საკვალიფიკაციო ეტაპის პირველ რაუნდში „ფენერბახჩეს“ დაუპირისპირდება. მატჩი პოლონეთის ქალაქ ლოძში გაიმართება.