ჩაკვემ ძირითადში ითამაშა და გენტმა მოიგო-ანორთოსისმა მოგება ხელიდან გაუშვა

გუშინ, ევროთასებზე ქართველი ლეგიონერებიც ვიხილეთ. ქართული ფეხბურთის გულშემატკივრისთვის ყველაზე გასახარია, რომ კონფერენს ლიგის მატჩში, “პარტიზანის” წინააღმდეგ “გენტის” ძირითად შემადგენლობაში იყო გიორგი ჩაკვეტაძე, რომელმაც მოედანზე 80 წუთი გაატარა. ჩაკვეტაძე 54-ჯერ შეეხო ბურთს, 5 წარმატებული დრიბლინგი განახორციელა. მისი ზუსტი პასების პროცენტული მაჩვენებელი 93.5% იყო. ასევე ქართველმა შემტევმა 17-დან 13 ორთაბრძოლა მოიგო. “გენტმა” აღნიშნული შეხვედრა 1:0 მოიგო.

თემურ ქეცბაიას ფამაგუსტას “ანორთოსისი” ესტონურ “ფლორას” დაუპირისპირდა. კვიპროსელები 2:0 იგებდნენ, მაგრამ საბოლოოდ მატჩი ფრედ 2:2 დასრულდა. ნიკა კაჭარავა ძირითად შემადგენლობაში იყო და საგოლე პასი მიითვალა. იგი 59-ე წუთზე შეცვალეს. გიორგი ლორია და ნიკა ნინუა სათადარიგოები იყვნენ.