ყველაფერს გავამხელ: შაკირა პიკეს პირადი დეტალების გასაჯაროებით ემუქრება – დიდი ომი იწყება

შაკირა და ჟერარ პიკე გაცხარებული ბრძოლისთვის ემზადებიან.

კოლუმბიელი მომღერალი გეგმავს შვილები მაიამიში წაიყვანოს, ხოლო ფეხბურთელი აპირებს ამას ხელი შეუშალოს. ორივემ დაიქირავა ადვოკატი და შესაბამისად სასამართლო პროცესისთვის ემზადებიან.

პიკე და შაკირა ახლახან შეხვდნენ და ვითარება კი განიხილეს, მაგრამ ფეხბურთელის უარმა შვილების გაშვებაზე ქალის რისხვა გამოიწვია. ის ყოფილ ქმარს დაემუქრა მისი არაერთგვაროვანი საქმიანობა და პირადი ცხოვრების წვრილმანები გამოაშკარაოს.

„მას (შაკირას) მოუწევს კოზირი გამოიყენოს. მას ჰყავს ხალხი,რომლებიც ინფორმაციას ეძებენ და პიკეს შესახებ სრულ ანგარიშს ამზადებენ. არის რამდენიმე სიურპრიზი, რაც არავის დატოვებს გულგრილს“, – მოუყვა წყარო Informalia-ს.

ის, ვინც შაკირას კარგად იცნობს, ამტკიცებს, რომ პიკემ „არასასურველი მტერი გაიჩინა“.