ქართველი წყალში მხტომელების ოქრო ბუდაპეშტიდან

ქართველმა წყალში მხტომელებმა ბუდაპეშტის ტრადიციულ ტურნირზე (22-24 აპრილი “დუნა არენა” ) ოქროს მედლები მოიპოვეს.

ევროპის საწყლოსნო სახეობათა ფედერაციის კალენდარით გათვალისწინებულ საერთაშორისო შეჯიბრზე, სანდრო მელიქიძემ და თორნიკე ონიკაშილმა სამი მეტრიან ტრამპლინიდან ხტომაში 364 ქულით, 85 მონაწილეს შორის საუკეთესო შედეგი დააფიქსირეს.

აღნიშნული შედეგით ქართველმა სპორტსმენებმა საკუთარი რეკორდი 20 ქულით გააუმჯობესეს.

წყარო: საქართველოს საწყლოსნო სპორტის სახეობათა ფედერაცია