ფოტო: ესპანეთმა, იტალიამ, გერმანიამ, ბელგიამ მუნდიალის ფორმები წარადგინეს – ესპანეთი პირველად თბილისში ჩაიცმევს

ესპანეთის ნაკრებმა და Adidas-მა 2026 წლის მსოფლიო ჩემპიონატისთვის ახალი ფორმა წარადგინეს.

საშინაო ფორმას აქვს მარტივი დიზაინი წითელ ფონზე თხელი ყვითელი ვერტიკალური ზოლებით, რაც ეროვნულ დროშასა და გერბს აღნიშნავს. ერის სული აისახება ყელის უკანა მხარეს დაწერილ სიტყვაში „España“ (ესპანეთი).

კოლექცია აერთიანებს ისტორიულ ვიზუალურ იდენტობასა და ტრადიციას, რომელიც თანამედროვე და ავანგარდულ ესთეტიკასთან არის გადამუშავებული. დიზაინი ასახავს თამაშის თავისუფალ სტილს და ფეხბურთის ახალ პერსპექტივას, რომლის მიზანია გააერთიანოს გულშემატკივრების ყველა თაობა ისტორიაში უდიდესი ტურნირის წინ.

ესპანეთის ნაკრებს 15 ნოემბერს თბილისში აქვს თამაში საქართველოსთან და ჩვენი მეტოქე ახალ ფორმას პირველად ჩვენთან ჩაიცმევს.

ბელგიის ნაკრებმა და Adidas-მაც წარადგინეს მსოფლიო ჩემპიონატისთვის ახალი საშინაო ფორმა.

ფორმა ბელგიის სამფეროვანს აბრუნებს. მისი გამორჩეული ელემენტია დახვეწილი გრაფიკული პრინტი, რაც მეტსახელის „წითელი ეშმაკების“ მინიშნებაა. მაისურზე ასევე გამოსახულია Manneken Pis-ის მოტივი, ეშვებით, ეშმაკის კუდი, სამკაპი.

„წითელი ეშმაკები“ ახალ ფორმას ჩაიცვამენ ყაზახეთთან შაბათს, 15 ნოემბერს და ლიხტენშტეინთან 18 ნოემბერს.

სამუნდიალო ფორმა აჩვენა გერმანიის ნაკრებმაც.

ნაკრები მას პირველად 14 ნოემბერს ლუქსემბურგთან შესარჩევ მატჩში ჩაიცვამს.

ახალი ფორმა ტრადიციული თეთრი ფერისაა შავი, წითელი და ოქროსფერი ნიმუშით, რომელიც შთაგონებულია მსოფლიო ჩემპიონატის მოგებისას გამოყენებული ფორმის ემბლემური დიზაინით.

Adidas-მა და იტალიის ფეხბურთის ფედერაციამ (FIGC) წარმოადგინეს იტალიის ნაკრების ახალი საშინაო ფორმა მომავალი საერთაშორისო მატჩებისთვის. ახალი ფორმა აერთიანებს იტალიის ვიზუალურ იდენტობას და ისტორიულ ტრადიციებს, წარმოაჩენს მათ თანამედროვე, პროგრესულ ესთეტიკაში.

აძური ასახავს იტალიის გულს, მის მდიდარ საფეხბურთო მემკვიდრეობას და იტალიის ისტორიის თანდაყოლილ კულტურულ ელემენტებს. ფორმა მორთულია დეტალებით, რომლებიც მოგვაგონებს მსოფლიო ჩემპიონატის ისტორიას და ეროვნული ნაკრების ბერლინში გამარჯვების თითქმის 20 წლის იუბილეს.

იტალიის ეროვნული ნაკრების საშინაო ფორმის ლურჯ ძირზე გამოსახულია დაფნის გვირგვინების მოტივი, რომელსაც ოდესღაც სპორტსმენები და რომის იმპერატორები ატარებდნენ გამარჯვებისა და ტრიუმფის სიმბოლოდ. მხრებზე ოქროს გამოყენება და სხვა დეტალები იტალიური ფეხბურთის დიდების დღეებს გვახსენებს.