გუნდებმა ევროპისთვის ფორმების წარდგენა დაიწყეს: ნახე ჩემპიონის, მასპინძლისა და ბელგიის ახალი კომპლექტები

ეროვნულმა ნაკრებებმა ევროპის ჩემპიონატისთვის ფორმების წარდგენა დაიწყეს.

გერმანიის ნაკრებმაც აჩვენა საშინაო ჩემპიონატის ფორმა.
საფეხბურთო კავშირმა და „ადიდასმა“ ორი კომპლექტი წარადგინა.
თეთრი ფორმა გერმანულ საფეხბურთო ტრადიციებს ასახავს, ვარდისფერი – სიახლეა ისტორიაში.

ორი ფორმა აქვს ბელგიის ნაკრებსაც.
საშინაო მუქ-წითელ ფერშია ოქროსფერი დეტალებით და გრაფიკული ნახატით, რომელიც მოდითაა შთაგონებული.
გასვლითი კომპლექტი ბელგიელი მულტიპლიკატორ ერჟესადმი და მისი კომიქსების ყველაზე ცნობილი პერსონაჟის ტინტინის პატივისცემაა.

ევრო 2024-სთვის ახალი ფორმა წარადგინა ევროპის მოქმედმა ჩემპიონმა.
„იტალია გვიხმობს. ეს ჩვენი ახალი ფორმაა“, – ნათქვამია „სკუადრა აძურას“ პრესსამსახურის მიერ გავრცელებულ ცნობაში.