ფინალის მსაჯი წლის მსაჯია

პოლონელი მსაჯი შიმონ მარჩინიაკი IFFHS-მა 2022 წლის საუკეთესო მსაჯად აღიარა.

არბიტრი, რომელიც მსოფლიო ჩემპიონატის ფინალს მსაჯობდა არგენტინასა და საფრანგეთს შორის, 150 ქულით პირველ ადგილზე გავიდა ფეხბურთის ისტორიისა და სტატისტიკის საერთაშორისო ფედერაციის რეიტინგში.

მეორე ადგილზე გავიდა იტალიელი დანიელე ორსატო (65), მესამეა – ფრანგი კლემან ტიურპენი (40).

ერთადერთი ქვეყანა, რომელსაც ტოპ 10-ში ორი წარმომადგენელიჰყავს, ინგლისია. მარკ ოლივერი (35) მე-4 ადგილზე გავიდა, ხოლო ენტონი ტეილორმა (15) მე-7-8 ადგილი დაიკავა.