ტოჩინოშინმა ვაკამოტოჰარუ დაამარცხა და ნაცუ ბაშოზე მეხუთე გამარჯვება მოიპოვა

ქართველმა ექს-ოძეკიმ ლევან გორგაძემ (ტოჩინოშინმა) ნაცუ ბაშოს მე-9 დღეს მე-5 გამარჯვება მოიპოვა. მეცხრე მაეგაშირად განთესილი ქართველი სუმოისტი ვაკამოტოჰარუს დაუპირისპირდა და აბიშეტაოშის ილეთით დაამარცხა.

ტაჩიაის (საწყისი დაჯახება) ორივე მებრძოლმა მავაში აიღო და ჭიდაობაში ლევანი უკეთესი აღმოჩნდა.

9 დღის შემდეგ ტოჩინოშინს ბალანსი 5:4-ზე გაუხდა. ხვალ, ჩვენებურის მეტოქე სადანოუმი იქნება. ურთიერთდაპირისპირებებში ქართველი 5:4 იგებს.