საუდეთის სიმბოლური გუნდი: რომელ ადგილს დაიკავებდა პრემიერლიგაში

საუდის არაბეთმა საქმეს ხელი სერიოზულად მოჰკიდა. კრიშტიანო რონალდომ პირველი მერცხლის როლი ითავა და მას უამრავი ცნობილი ვარსკვლავი მიჰყვა. თანაც სულაც არა მხოლოდ ვეტერანები. აგერ მაგალითად, მომავალი ვარსკვლავი, 21 წლის გაბრიელ ვეიგა „ნაპოლიში“ რომ ეგონა ყველას, საუდეთში წავიდა. არაბეთში წასვლაზე თანხმობას ამბობს მოჰამედ სალაჰიც (შესაძლოა ყველაზე დიდი ხელფასი მას მისცენ) და ეს ბოლო გაჩერება აშკარად არ იქნება.
პლუს რა თქმა უნდა ნეიმარი…

ახლა ვნახოთ ერთგვარი სიმბოლური ნაკრები იმ ფეხბურთელებიs, რომლებიც უკვე არიან საუდეთის ლიგაში. საინტერესოა, რას იზამდა ეს გუნდი ინგლისის პრემიერლიგაში რომ თამაშობდეს. საუდელებს ხომ იქაური პრემიერლიგის შექმნა სურთ…

ერთი უეჭველია – ამ გუნდს გასავარდნად საქმე ნაღდად არ ექნებოდა.

რამდენიმე პოზიციაზე სერიოზული ალტერნატივაა იმ ფეხბურთელების მხრიდან, რომლებიც ახალი ჩასული არიან ევროპიდან.