საბურთალო ვალენსიას ფეხბურთელებს დაიმატებს

საფეხბურთო კლუბ “საბურთალოსა” და “ვალენსიას” შორის ურთიერთთანამშრომლობის მემორანდუმი გაფორმდა.

კლუბებს შორის აღნიშნული მემორანდუმი მწვრთნელთა კვალიფიკაციის ამაღლებას, ფეხბურთელთა გაცვლა-გამოცვლას და და სხვა საინტერესო საკითხებს ითვალისწინებს.

ყველაზე მნიშვნელოვანი ისაა, რომ ზაფხულში კონფერენს ლიგის საკვალიფიკაციო ეტაპზე “საბურთალოს” ექნება შესაძლებლობა “ვალენსიას” 23-წლამდელთა გუნდიდან 4 ფეხბურთელი დაიმატოს, რომლებიც ქართულ კლუბს ევროსარბიელზე დაეხმარებიან.

“საბურთალომ” ეროვნული ლიგის განვლილი სეზონი მე-4 ადგილზე დაასრულა, თუმცა საქართველოს თასი მოიგო და ლევან კორღალიძის გაწვრთნილი გუნდი ზაფხულში საქართველოს კონფერენს ლიგაზე წარადგენს. გეტყვით იმასაც, რომ თბილისური კლუბი ასპარეზობაში პირველი საკვალიფიკაციო ეტაპიდან ჩაერთვება და განუთესავი იქნება.