რონალდო გააბრაზეს და არაბეთი აღარ უნდა: დაბრუნდება მანჩესტერში?

კრიშტიანო რონალდო „ალ ნასრის“ დატოვებას განიხილავს.

40 წლის პორტუგალიელმა თავდამსხმელმა საუდის არაბეთის ჩემპიონატის მატჩი გამოტოვა („ალ რიადის“ წინააღმდეგ – 1:0). ადრე გავრცელდა ინფორმაცია, რომ რონალდო უკმაყოფილოა იმით, თუ როგორ მართავს საუდის არაბეთის სუვერენული ფონდი (PIF) კლუბს მის კონკურენტებთან, კერძოდ, „ალ ჰილალთან“ შედარებით. ის ასევე ეწინააღმდეგებოდა კარიმ ბენზემას „ალ ჰილალში“ გადასვლას „კონკურენციისთვის ზიანის მიყენების“ გამო.

რონალდო მიიჩნევს, რომ PIF განზრახ ბლოკავს „ალ ნასრის“ ტრანსფერებს, რათა გუნდს ხელი შეუშალოს ჩემპიონობისთვის ბრძოლაში. გარდა ამისა, პორტუგალიელი მიიჩნევს, რომ ის მეტ პატივისცემას იმსახურებს საუდის არაბეთში ფეხბურთის განვითარებაში მისი მნიშვნელოვანი როლის გამო. ამიტომ, კრიშტიანომ შეიძლება კლუბი ივნისში დატოვოს.

რონალდოს შესაძლო ვარიანტებს შორისაა ევროპაში დაბრუნება ან MLS-ის კლუბში გადასვლა.
როცა ევროპაზეა საუბარი, იქ უნდა ვახსენოთ „მანჩესტერ იუნაიტედი“, რადგან რონალდო მოლაპარაკებებს აწარმოებს სავარაუდო დაბრუნების შესახებ.
კონტაქტები ინგლისურ კლუბსა და ფეხბურთელის გარემოცვას შორის გრძელდება.

აღსანიშნავია, რომ თავდამსხმელის კონტრაქტი „ალ ნასრისთან“ 50 მილიონი ევროს ოდენობის გამოსყიდვის პუნქტს მოიცავს.