რამდენი ქულა აიღო ბენზემამ: ის პირველზე მარტო 4-მა ქვეყანამ არ დაასახელა

გამოქვეყნდა „ოქროს ბურთის“ გამოკითხვის შედეგები.

გამარჯვებულმა „რეალის“ თავდამსხმელმა კარიმ ბენზემამ 549 ქულა დააგროვა 558 შესაძლებელიდან.

ჟიურის 93 წევრიდან 89-მა ის პირველ ადგილზე დააყენა. გამონაკლისი გახდა 4 ქვეყნის ჟურნალისტი – ეგვიპტემ და ნიდერლანდებმა აირჩიეს მოჰამედ სალაჰი, სენეგალმა ხმა მისცა სადიო მანეს, ხოლო სლოვენიამ კევინ დე ბრუინს.

შედეგების მიხედვით ტოპ 10 ასე გამოიყურება:

1. კარიმ ბენზემა („რეალი“) – 549 ქულა;
2. სადიო მანე („ბაიერნი“ / „ლივერპული“) – 193;
3. კევინ დე ბრუინი („სიტი“) – 175;
4. რობერტ ლევანდოვსკი („ბარსელონა“ / „ბაიერნი“) – 170;
5. მოჰამედ სალაჰი („ლივერპული“) – 116;
6. კილიან მბაპე (პსჟ) – 85;
7. ტიბო კურტუა („რეალი“) – 82;
8. ვინისიუსი („რეალი“) – 61;
9. ლუკა მოდრიჩი („რეალი“) – 20;
10. ერლინგ ჰოლანდი („სიტი“ / „ბორუსია“ დორტმუნდი) – 18.

შეგახსენებთ, რომ კრიშტიანო რონალდომ და კიდევ 10-მა ფეხბურთელმა ერთი ქულაც ვერ აიღეს.