ნინო სალუქვაძემ ევროპის ჩემპიონატზე მე-7 ადგილი დაიკავა

ხორვატიის ქალაქ ოსიეკში ევროპის ჩემპიონატი მიმდინარეობს ტყვიის სროლაში. 10 მეტრ დისტანციაზე სროლაში საბოლოოდ მე-7 ადგილი დაიკავა ლეგენდარულმა ნინო სალუქვაძემ, რომელმაც ევროპის ჩემპიონატი 135.6 ქულით დაასრულა. ევროპის ჩემპიონი გერმანელი კარინა ვიმნერი გახდა – 220.7 ქულით.

აღსანიშნავია, რომ ტიტულოვანი ქართველი სპორტსმენი საკვალიფიკაციო რაუნდის შემდეგ მე-2 პოზიციაზე იყო (578 ქულა) და ამ პოზიციით შევიდა ფინალურ რვაში. ამავე დისციპლინაში ლიზი კილაძე 38-ე პოზიციაზე გავიდა, ხოლო ნინო ხუციბერიზე – 62-ეზე. სულ 10 მეტრ დისტანციაზე პისტოლეტით სროლაში 70 ქალი მონაწილეობდა. ორივე ფინალური ეტაპის მიღმა დარჩა.