ნაცისტური ატლეტიკო დაისაჯა: უეფა მადრიდელებს ტრიბუნას ჩამოართმევს

უეფამ მადრიდის „ატლეტიკო“ დასაჯა: გუნდს ტრიბუნის ჩაკეტვა მოუწევს ჩემპიონთა ლიგის განმეორებით მატჩზე. მიზეზი გულშემატკივრების უსაქციელობაა.

„სიტის“ ¼ ფინალურ შეხვედრაში „ვანდას“ ერთ სექტორზე ხალხს არ დაუშვებენ, რომელიც 5 ათას კაცს მაინც იტევს. კლუბი ვალდებული იქნება გამოფინოს ბანერი წარწერით #NoToRacism (არა რასიზმს).

მიზეზი „ატლეტიკოს“ ფანების საქციელია, რომელებმაც „სიტისთან“ პირველი შეხვედრისას ნაცისტური მისალმება გამოიყენეს.

„ატლეტიკომ“ მანჩესტერში 0:1 წააგო, განმეორებითი თამაში ხვალ, 13 აპრილსაა.