ნაპოლი ხვიჩას კონტრაქტს უხანგრძლივებს და სამმაგ ხელფასს აძლევს

ხვიჩა კვარაცხელია ახლოსაა „ნაპოლისთან“ კონტრაქტის გახანგრძლივებასთან.

Calciomercato იტყობინება, რომ მხარეები ახლოს არიან ახალ შეთანხმებასთან. სატრანსფერო ფანჯრის დროს იმისათვის, რომ ხვიჩა არ დაკარგონ, ნეაპოლელები მზად არიან საგრძნობლად გაუზარდონ ჩვენიანს ჯამაგირი: ამჟამინდელი 1.5 მილიონიდან 4.5 მილიონამდე.

კლუბმა და ფეხბურთელმა კიდევ ორი მთავარი დეტალი უნდა შეათანხმონ – კონტრაქტის ვადა და გამოსასყიდი თანხა. ამჟამინდელი შეთანხმება 2027 წლამდეა, ახალი კი 2028 ან 2019 წლამდეა გათვალისწინებული.

ამ სეზონში ხვიჩამ 27 მატჩი ითამაშა, 10 გოლი გაიტანა და 4 ასისტიც დაამატა.