მუნდიალების ბომბარდირები: მბაპე მალე ყველას აჯობებს

ყატარის მსოფლიო პირველობაზე ბოლო მატჩამდე გაურკვეველი იყო ვინ გახდებოდა საუკეთესო ბომბარდირი. ორი კანდიდატი ერთმანეთს დაუპირისპირდა – 5-გოლიანი მესი ასევე 5-გოლიანი მბაპეს წინააღმდეგ. მართალია არგენტინელმა 2 გოლი გაიტანა, მაგრამ ფრანგმა ჰეთ-თრიქი მოახერხა და 8 გოლით სწორედ ის გახდა საუკეთესო გოლეადორი.

ყველაზე შედეგიანი მუნდიალების ისტორიაში კი სწორედ ფრანგი ფეხბურთელია – ჟუსტ ფონტენი, რომელმაც 1958 წელს 6 მატჩში გატანილი 13 გოლი გაიტანა. ეს შედეგი დღემდე განუმეორებელია.

ყველაზე ცოტა კი ჩეხოსლოვაკიის ნაკრების თავდამსხმელმა ოლდრიხ ნეედლმა 1934 წელს და მერე 2006 წელს გერმანიის ნაკრების ფორვარდმა მიროსლავ კლოზემ გაიტანეს – 5 გოლი.

ყველაზე ხშირი კი 6 გოლია, რომლის ავტორი სხვადასხვა მუნდიალებზე ბევრი ფეხბურთელი გამხდარა.

ყველა ბომბარდირი

1930 – გილერმო სტაბილე – 8
1934 – ოლდრიხ ნეედლი – 5
1938 – ლეონიდასი – 7
1950 – ადემირი – 8
1954 – სანდორ კოჩიში – 11
1958 – ჟუსტ ფონტენი – 13
1962 – გარინჩა, ვავა, ლეონელ სანჩესი, დრაჟან ერკოვიჩი – 6-6
1966 – ეუსებიო – 9
1970 – გერდ მიულერი – 10
1974 – გჟეგორჟ ლატო – 7
1978 – მარიო კემპესი – 6
1982 – პაოლო როსი – 6
1986 – გარი ლინეკერი – 6
1990 – სალვატორ სკილაჩი – 6
1994 – ხრისტო სტოიჩკოვი, ოლეგ სალენკო – 6-6
1998 – დავორ შუკერი – 6
2002 – რონალდო – 8
2006 – მიროსლავ კლოზე – 5
2010 – დავიდ ვილია 7, უესლი სნეიდერი 7, დიეგო ფორლანი – 7
2014 – ხამეს როდრიგესი – 6
2018 – ჰარი კეინი – 6
2022 – კილიან მბაპე – 8

მსოფლიო ჩემპიონატების ტოპ-3 ბომბარდირი:

1. მიროსლავ კლოზე, გერმანია 16 (24 მატჩში)
2. რონალდო, ბრაზილია 15 (19)
3. გერდ მიულერი, გერმანია 14 (13)

ამათ ყველას კილიან მბაპე აჯობებს. 23 წლის ფრანგს უკვე აქვს 12 გოლი გატანილი და კლოზეს რეკორდამდე სულ რაღაც 4 გოლი რჩება, რომელიც შესაძლოა უკვე მომდევო მუნდიალზე დაემხოს.