მსოფლიო ჩემპიონატზე გოლების რეკორდსმენი გარდაიცვალა

გარდაიცვალა საფრანგეთის ნაკრების ყოფილი თავდამსხმელი ჟუსტ ფონტენი.

ყოფილი ფეხბურთელი 89 წლის იყო.

ფონტენი პროფესიულ კარიერას „კასაბლანკაში“ იწყებდა (1950-53). თამაშობდა ფრანგულ კლუბებში – „ნიცასა“ და „რეიმსში“.

საფრანგეთის ნაკრების შემადგენლობაში 21 მატჩი ჩაატარა და 30 გოლი გაიტანა. ფონტენს ეკუთვნის ერთ მსოფლიო ჩემპიონატზე გატანილი გოლების რეკორდი – 13 ბურთი 1958 წელს.

ფონტენმა 4-ჯერ მოიგო საფრანგეთის ჩემპიონატი და 2-ჯერ ქვეყნის თასი. უთამაშია ჩემპიონთა თასის ფინალში.

ფეხბურთელის კარიერის შემდეგ ავარჯიშებდა საფრანგეთის ნაკრებს (ორ მატჩზე მუშაობდა), პსჟ-ს, „ტულუზას“ და მაროკოს ნაკრებს.

2013 წელს საპატიო ლეგიონის ორდენის ოფიცერი გახდა.