მიქაუტაძე მეცში ბრუნდება

გიორგი მიქაუტაძის საქმე „აიაქსში“ ვერ აეწყო და ჩვენიანი მუდმივად სკამზე ზის. ამის გამო ჯერ კიდევ როდის ითქვა, რომ ქართველი შესაძლო იყო „მეცში“ დაბრუნებულიყო. ახლა ეს საკითხი კიდევ ერთხელ წამოიჭრა და თვით „ეკიპმა“ დაწერა, რომ ზამთარში მიქაუტაძე საფრანგეთში დაბრუნდება და იჯარით „მეცს“ შეუერთდება.

ფრანგული კლუბის წარმომადგენლები უკვე შეხვდნენ ფეხბურთელს და შეთანხმებაც შედგა.

შეგახსენებთ, რომ ზაფხულში მიქაუტაძე „აიაქსს“ 16 მილიონი ევროს სანაცვლოდ შეუერთდა.

იმედი ვიქონიოთ, რომ მიქაუტაძე მოედანს მალე დაუბრუნდება და „მეცში“ ძველებურად ლიდერად და გოლეადორად ჩამოყალიბდება.