მილუოკიმ სანდრო გაუშვა

სანდრო მამუკელაშვილი „მილუოკი ბაქსში“ აღარ ითამაშებს.

ჯერჯერობით, უცნობია, სად გააგრძელებს ქართველი კალათბურთელი კარიერას.

მამუკელაშვილი „ბაქსმა“ 2021 წლის დრაფტზე 54-ე ნომრად აირჩია. სანდრომ 65 მატჩში მიიღო მონაწილეობა და საშუალოდ 3.2 ქულას აკეთებდა.

ვისკონსინურმა გუნდმა ორმხრივი კონტრაქტისთვის ადგილი გაათავისუფლა.

ორმხრივი კონტრაქტის მიხედვით, მამუკელაშვილს სეზონის განმავლობაში NBA-ის მაქსიმუმ 50 მატჩში უნდა ეთამაშა, დარჩენილი ნაწილი კი G ლიგის გუნდში, „ვისკონსინ ჰერდში“.

შეგახსენებთ, ცოტა ხნის წინ „ინდიანამ“ ბითაძე გაუშვა, მაგრამ გოგამ მალევე იპოვა ახალი კლუბი „ორლანდო“ და იმედია სანდროც მალე შეუერთდება ახალ ამერიკულ გუნდს.