მესი, ჰოლანდი, მბაპე… ელიტური ფეხბურთელების სიაში არიან: რონალდო ვერ მოხვდა

კრიშტიანო რონალდო ვერ მოხვდა Goal-ის ვერსიით ელიტური ფეხბურთელების რიცხვში.

საიტმა გამოაცხადა, რომ ყოველ ზაფხულს დაასახელებს 25 ფეხბურთელს, რომლებიც მიეკუთვნებიან „საუკეთესოთა შორის საუკეთესოებს“, „ელიტას“. შერჩევის კრიტერიუმია – სტაბილური გამოსვლა ვარსკვლავურ დონეზე დროის ხანგრძლივ მონაკვეთში.

სიაში თითო პოზიციიდან მინიმუმ სამ ფეხბურთელს შეიყვანენ.

პირველ ვერსიაში მოხვდნენ:

მეკარე: ალისონი („ლივერპული“), ტიბო კურტუა („რეალი“), ედერსონი („სიტი“), მაიკ მენიანი („მილანი“);

მცველები: რუბენ დიაში („სიტი“), აშრაფ ჰაკიმი (პსჟ), მარკინიოსი (პსჟ), ვირხილ ვან დეიკი („ლივერპული“);

მცველები: კაზემირო („მანჩესტერი“), კევინ დე ბრუინი („სიტი“), ილქაი გიუნდოგანი („ბარსელონა“), ჯოშუა კიმიხი („ბაიერნი“), ტონი კროოსი („რეალი“), ლუკა მოდრიჩი („რეალი“), პედრი („ბარსელონა“), როდრი („სიტი“), ბერნარდო სილვა („სიტი“);

თავდამსხმელები: ქარიმ ბენზემა („ალ იტიჰადი“), ერლინგ ჰოლანდი („სიტი“), ჰარი კეინი („ტოტენჰემი“), რობერტ ლევანდოვსკი („ბარსელონა“), კილიან მბაპე (პსჟ), ლიონელ მესი („ინტერ მაიამი“), მოჰამედ სალაჰი („ლივერპული“), ვინისიუსი („რეალი“).