მესი მაიამიში მკვიდრდება: არგენტინელი ოჯახთან ერთად სახლს ეძებს – ფოტო

2010 წელს ლეო მესიმ მაიამიში მდიდრული სახლი შეიძინა – აპარტამენტები ცათამბჯენ Porsche Design Tower-ში, რომელიც ატლანტის ოკეანეს გადაჰყურებს. ჟურნალისტებმა გაარკვიეს, რომ არგენტინელს ეს სახლი 5 მლნ დოლარი დაუჯდა.

მთავარი განმასხვავებელი ნიშანი საავტომობილო ლიფტია, რომელიც საშუალებას იძლევა მესის სუპერმანქანები იმავე სართულზე აიტანოს, სადაც საცხოვრებელია. ჰოდა, ზიხარ დივანზე და ტკბები საკუთარი ავტოპარკით.

2021 წელს ლეომ კიდევ ერთი ბინა იყიდა ქალაქში – Regalia Tower-ში.

ახლა კი ოჯახმა გადაწყვიტა ქალაქის შემოგარენში დასახლდეს. ლეო ცოლისა და შვილების გარემოცვაში მაშინ შენიშნეს, როდესაც მდიდრულ სახლებს ათვალიერებდნენ.