მესი არგენტინის წლის სპორტსმენია, მეოთხედ

ლეო მესი არგენტინაში წლის სპორტსმენად დაასახელეს.

„ინტერ მაიამის“ თავდამსხმელმა ჯილდო „ოქროს ოლიმპია 2023“ მიიღო, რომელსაც ბუენოს აირესის სპორტული ჟურნალისტების საზოგადოება ანიჭებს.

მესი საუკეთესო არგენტინელ სპორტსმენად მეოთხედ დასახელდა. მან ასევე მიიღო წლის საუკეთესო ფეხბურთელის პრიზი.

ქალთა შორის წლის სპორტსმენი გახდა მძლეოსანი ბელემ კასეტა, რომელმაც სამხრეთ ამერიკის რეკორდი დაამყარა 3 000 მეტრზე წინაღობებით სირბილში.