მესის ფინალის შავ მოსაცმელში მილიონი შეთავაზეს

ლეო მესის მილიონი დოლარი შეთავაზეს მსოფლიო ჩემპიონატის ფინალის მოსაცმელის სანაცვლოდ.

გეხსომებათ, როგორც კი არგენტინის ნაკრების ლიდერმა მედალი აიღო, მას ყატარის ემირმა ტამიმ იბნ ჰამად ალ-ტანიმ შავი ფერის მოსაცმელი მოაცვა. მესის მსოფლიო თასის აწევა შავი მანტიით მოუწია.

„ომანის სულთანატის სახელით გილოცავ მსოფლიო ჩემპიონატზე გამარჯვებას. არაბული ბიშტი – რაინდობისა და სიბრძნის სიმბოლოა. გთავაზობ მილიონ დილარს მის სანაცვლოდ“, – განაცხადა იურისტმა და ომანის პარლამენტის ყოფილმა წევრმა ახმედ ალ ბარვანიმ.