Vakhtang Daraselia
ლეო მესიმ კარიერაში 43-ე ტროფეი მოიგო.
35 წლის არგენტინელი პსჟ-ს რიგებში საფრანგეთის ჩემპიონი გახდა.
პარიზში მესის ქვეყნის ჩემპიონობა უკვე ჰქონდა მოგებული, ისევე როგორც ქვეყნის სუპერთასი.
„ბარსას“ რიგებში მესი 10-ჯერ გახდა ესპანეთის ჩემპიონი, 4-ჯერ მოიგო ჩემპიონთა ლიგა, 8-ჯერ აიღო ესპანეთის სუპერთასი, 7-ჯერ ქვეყნის თასი, ასევე 3-3-ჯერ მოუგია მსოფლიო საკლუბო ჩემპიონატი და ევროპის სუპერთასი.
არგენტინის ნაკრებში კი გაიმარჯვა მსოფლიო ჩემპიონატზე, კოპა ამერიკაზე, მოიგო ოლიმპიადა, ახალგაზრდული მსოფლიო ჩემპიონატი, ასევე ფინალისიმა.
გავაგრძელოთ.
ლეო მესი ევროპის ტოპ ლიგების რეკორდსმენი გახდა.
ლიგა 1-ში, 37-ე ტურის მატჩში, „სტრასბურგთან“ გოლი ლეომ გაიტანა. ეს მისი 496-ე ბურთია ტოპ 5 ჩემპიონატში – 577 მატჩში.
მანამდე რეკორდი კრიშტიანო რონალდოს ეკუთვნოდა, რომელმაც 495 გოლი გაიტანა 626 მატჩში.
რაც შეეხება უშუალოდ საფრანგეთის პირველობას, მესიმ ამ სეზონში 32 შედეგიანი მოქმედება შეასრულა.
მას 16 გოლი აქვს გატანილი და ამდენივე საგოლე პასი. მასზე უკეთესი შედეგი მარტო კილიან მბაპეს აქვს – 33 (28+5).
GIPHY App Key not set. Please check settings