მერსედესის ჰემილტონმა ესპანეთის გრან-პრი მოიგო

„მერსედესის“ პილოტმა ლუის ჰემილტონმა „ფორმულა 1“-ის მეოთხე ეტაპი – ესპანეთის გრან-პრი მოიგო.

ბრიტანელმა 66 წრე 1 საათში, 33 წუთსა და 7,680 წამში გაიარა.

რბოლაში მეორე ადგილი ნიდერლანდელმა სპორტსმენმა, „რედ ბულის“ გუნდის წევრმა, მაქს ფერსტაპენმა დაიკავა. მან ჰემილტონს 15,841 წამით დაუთმო.

რიგით მესამე ფინიშის ხაზთან ვალტერ ბოტასი მივიდა  – ლუისის პარტნიორი „მერსედესში“, რომელიც კოლეგას 26,610 წამით ჩამორჩა.

აღსანიშნავია, რომ რბოლის საუკეთესო წრე მაქს ფერსტაპენმა აჩვენა.

„ფორმულა 1“-ის მომდევნო ეტაპი მონაკოს გრან-პრია. ჩემპიონატი 20-23 მაისისთვისაა ჩანიშნული.