მამუ დაბრუნდა: მილუოკიმ პირველად წააგო

დღეს, გამთენიისას NBA-ის მორიგი შეხვედრები გაიმართა. აქამდე წაუგებელი “მილუოკი ბაქსი“ „ატლანტა ჰოუკსს“ ესტუმრა და პირველად დამარცხდა – 98:117.

სანდრო მამუკელაშვილმა ტრავმა მოირჩინა და ითამაშა. ჩვენიანმა სეზონში პირველი ქულებიც მოიპოვა. შეგახსენებთ, ქართველ კალათბურთელს ტვინის შერყევა ჰქონდა, რის გამოც 3 თამაშის გამოტოვება მოუწია.

სანდრომ 6 წუთი ითამაშა და ამ დროში 2 ქულის დაგროვება მოახერხა. მან 1-დან 1 ორქულიანი გამოიყენა და 2 სამქულიანიდან ორივე უშედეგოდ ისროლა.

გოგა ბითაძის „ინდიანა პეისერსმა“ „ნიუ ორლეანს“ 129:122 მოუგო. ქართველ კალათბურთელს ამ შეხვედრაშიც მონაწილეობა არ მიუღია.