მაესტრო ხვიჩა: ჩემპიონთა ლიგის გვერდმა კვარაცხელიაზე დაწერა

მსოფლიო ჩემპიონატის შემდეგ საკლუბო ფეხბურთიც მალე დაბრუნდება. ხალხს კი მშვენივრად ახსოვს ხვიჩა კვარაცხელიას დიდებული თამაში სეზონის პირველ ნაწილში.
ჩემპიონთა ლიგის ინსტაგრამის ოფიციალურმა გვერდმა ქართველის შესახებ კიდევ ერთი პოსტი გამოაქვეყნა.

„მაესტრო ხვიჩა“ – ასეთია სათაური, ვიდეოში კი ჩემპიონთა ლიგაზე (ჯერ ბუნებრივია ჯგუფური ეტაპი) „ნაპოლის“ ქართველი შემტევის გოლები და გამორჩეული ეპიზოდებია შეკრებილი. უეფას ოფიციალურ ინსტაგრამის გვერდს 100 მილიონზე მეტი გამომწერი ჰყავს.

შეგახსენებთ, ჩემპიონთა ლიგის 1/8 ფინალში ხვიჩას „ნაპოლი“ გერმანულ „აინტრახტს“ შეხვდება.