ლიპარტელიანი ჩემპიონთა ლიგაზე დარეგისტრირდა: კაპიტანი ბრუნდება?

რამდენიმე დღის წინ, ექსკლუზიურად გაუწყეთ, რომ საქართველოს ნაკრების კაპიტანმა ვარლამ ლიპარტელიანმა ვარჯიში განაახლა და აქტიურ სპორტს უბრუნდებოდა.

ჩვენი ინფორმაცია დადასტურდა და ლიპარტელიანი საკლუბო ჩემპიონთა ლიგაზე დარეგისტრირდა.

საკლუბო ჩემპიონთა ლიგაზე, რომელიც 11 დეკემბერს გაიმართება, ძიუდოს ქართველი პროფესორი “შევარდენი 2005”-ის რიგებში იასპარეზებს.

ტურნირისთვის ქართული გუნდის შემადგენლობა წინასწარი განაცხადით, ასეთია:

-66კგ – ბაგრატ ნინიაშვილი;
-73კგ – ფრიდონ გიგანი, ნუგზარ ტატალაშვილი;
-81კგ – ტატო გრიგალაშვილი;
-90კგ – ავთანდილ ჭრიკიშვილი, ლაშა ბექაური;
-100კგ – ვარლამ ლიპარტელიანი;
+100კგ – ადამ ოქრუაშვილი.