ლეო ფულია: მესი შესაძლოა 10 000-იან ბანკნოტზე გამოსახონ

არგენტინაში შეთავაზეს ლეო მესის გამოსახულებიანი ბანკნოტები გააკეთონ.

ასეთი წინადადებით არგენტინის ერის ბანკის პრეზიდენტი (არგენტინის უმსხვილესი ბანკი) სილვინა ბატაკისი გამოვიდა.

სულ ცოტა ხნის წინ არგენტინის რესპუბლიკის ცენტრალურმა ბანკმა დაამტკიცა 2000 პესოს ნომინალის ბანკნოტის შემოღება და ახლა განიხილავს 10 000 ნომინალის კუპიურის შექმნას. ახალი ბანკნოტების წარმოება ინფლაციის პირობებში სავალდებულოდ მიაჩნიათ.

„იმაზე გავაკეთებდი აქცენტს, რასაც არგენტინელების გულში ადგლი უკავია. ეს იქნება სიმბოლური ბანკნოტი, რომელიც მაგალითად მსოფლიო ჩემპიონატთან არის კავშირში. მე სიხარულით გავაკეთებდი ლეო მესის ბანკნოტს.

ვიცი, რომ სხვადასხვა კანდიდატურებს განიხილავენ. უფრო ახალგაზრდები იტყოდნენ, რომ ათიანი ეს მესია, მაგრამ ცხარე კამათია – მესისა და მარადონას შორის“, – განაცხადა ბატაკისმა Radio con Vos -სთან ინტერვიუში.