ლევან მჭედლიძე ტორპედოში ითამაშებს

საქართველოს ნაკრების 31 წლის ექს-ფორვარდი ლევან მჭედლიძე კვლავ ეროვნულ ლიგაში ითამაშებს. ლევან მჭედლიძემ ხელშეკრულება ქუთაისის “ტორპედოსთან” სეზონის ბოლომდე გააფორმა, მან გუნდთან ერთად ეროვნულ ლიგაში ადგილის შენარჩუნება დაისახა მიზნად.

ლევან მჭედლიძის ბოლო 2 გუნდი ქართული იყო. “ემპოლის” ყოფილმა შემტევმა 2019/20 წლებში თბილისის “დინამოში” ითამაშა, ხოლო 2021 წლის დასაწყისში რამდენიმე თვით ბათუმის “დინამოში” იყო.

შეგახსენებთ, რომ ქუთაისის “ტორპედოს” ნიუ ვიჟენის სახით ახალი ხელმძღვანელი ჰყავს. ქუთაისის “ტორპედოს” გენერალური დირექტორი კი ლევან მჭედლიძის ძმა, გიორგი მჭედლიძე იქნება.