კვარა ტურის სიმბოლურშია

ხვიჩა კვარაცხელიამ სერია ა-ს ბოლო ტურში დიდებულად ითამაშა და ბოლოს გატანილი საუცხოო გოლით გუნდს გამარჯვება მოუტანა. ხვიჩას თამაში ცხადია დადებითად შეაფასეს და ახლა, როდესაც 23-ე ტურის შეჯამების დრო დადგა, რა გასაკვირია, რომ ქართველი ფეხბურთელი ტურის სიმბოლურ ნაკრებშიც მოხვდა.

ეს არის whoscored-ის ვერსია, რომელმაც კვარაცხელიას თამაში მაღალი, 8.7 ქულით შეაფასა. ისე, საინტერესოა, რომ ეს მაინც არ აღმოჩნდა თერთმეტეულში საუკეთესო შეფასება, რადგან „ატალანტას“ დე კეტელერემ 9.0, ხოლო „რომას“ დიბალამ 9.2 დაიმახურეს.