კვარაცხელიას ნაპოლიში გასპერინი დახვდება?

გუშინ გაუწყეთ, რომ ხვიჩა კვარაცხელიას “ნაპოლიში” შესაძლოა ახალი მწვრთნელი დახვდეს. იტალიურ მედიაში დი ლაურენტისის გუნდს ვინჩენცო იტალიანოსა (“ფიორენტინა”) და რობერტო დი ძერბის (“შახტარი”) უკავშირდებდნენ.

დღეს კი, სპალეტის სავარაუდო შემცვლელის კიდევ ერთი კანდიდატურა დასახელდა. საუბარი ბერგამოს “ატალანტას” მთავარ მწვრთნელ ჯან-პიერო გასპერინზეა.

64 წლის გასპერინის თავკაცობით “ატალანტამ” სერია ა-ში სამჯერ დაიკავა მე-3 ადგილი, ორჯერ გავიდა თასის ფინალში და 2019/20 წლების სეზონში ჩემპიონთა ლიგის 1/4 ფინალი ითამაშა.

გეტყვით იმასაც, რომ ლუჩიანო სპალეტის “ნაპილისთან” კონტრაქტი 2024 წლამდე აკავშირებს.