კაშიას და ყაზაიშვილს ზლატანი დამარცხებული ჰყავთ: ვაკო იმ მატჩში ბრწყინვალე იყო

დღეს, 21:00-ზე საქართველოს ნაკრები ბათუმის “აჭარაბეთ არენაზე” შვედეთის ნაკრებს დაუპირისპირდება. შვედეთის ნაკრებს ბათუმში მთავარი ვარსკვლავი ზლატან იბრაჰიმოვიჩიც ჩამოყვა და შესაძლოა მან საქართველოს ნაკრების წინააღმდეგ ითამაშოს.

საინტერესოა, რომ საქართველოს ნაკრების ფეხბურთელებს “Big Z”-ს წინააღმდეგ ნათამაშებიც აქვთ და მოგებულიც.

2019 წელს Mls-ის მე-17 ტურის შეხვედრაში “სან ხოსე”, რომლის ღირსებასაც მაშინ გურამ კაშია და ვაკო ყაზაიშვილი იცავდნენ, ზლატან იბრაჰიმოვიჩის “ლოს ანჯელეს გალაქსის” დაუპირისპირდა და 3:0 დაამარცხა. ეს მატჩი ვაკო ყაზაიშვილის ბენეფისად იქცა. მან მე-11 წუთზე პენალტი გაიტანა. მატჩის მიწურულს კი, საგოლე პასიც მიითვალა.კაშია კი, დაცვაში დამაჯერებლად იდგა.

იბრაჰიმოვიჩმა საქართველოს ნაკრების წინააღმდეგ პირველ მატჩშიც ითამაშა, რომელიც იანე ანდერსონის გუნდმა 1:0 მოიგო, მაგრამ განსაკუთრებული ვერაფერი შექმნა.