იტალიის ყველაზე საშიში დამნაშავე დაიჭირეს! ის ნაპოლიმ „დაღუპა“

60 წლის ვინჩენცო ლა პორტა იტალიის პოლიციამ დააკავა მას შემდეგ, რაც ფეხბურთთან დაკავშირებულ ფოტოზე აღმოაჩინეს.

ეს კაცი ერთ-ერთ ყველაზე საშიშ დამნაშავედ მიიჩნევა, ის 11 წელიწადია ვერ დააკავეს. ამტკიცებენ, რომ მას ნეაპოლში კამორას ბანდასთან ჰქონდა კავშირი.

მისთვის სამწუხაროდ, როდესაც „ნაპოლი“ სერია ა-ს ჩემპიონობას აღნიშნავდა, ის გულშემატკივრებთან ერთად საბერძნეთში მოზეიმე შენიშნეს. სწორედ აქედან მოახერხა პოლიციამ მის კვალს ჩადგომოდა.

ნეაპოლის პოლიციამ განაცხადა: „ის დაღუპა ფეხბურთის და „ნაპოლის“ სიყვარულმა“.

აქ მოცემული ფოტო სავარაუდოდ სწორედ ის არის, რომელმაც დამნაშავე „ჩაუშვა“.