გერმანელი და გერმანიაში მოთამაშე საუკეთესო ფეხბურთელები გამოავლინეს

ილქაი გიუნდოგანი Kicker-ის ვერსიით წლის საუკეთესო გერმანელ ფეხბურთელად დაასახელეს.

გამოკითხვა გერმანელი სპორტული ჟურნალისტების ასოციაციის წევრებს შორის ჩაატარეს და შედეგად ნახევარმცველმა 198 ხმა მიიღო 612-დან. შეგახსენებთ, 32 წლის ფეხბურთელი წელს ჩემპიონთა ლიგის მომგები „სიტიდან“ „ბარსელონაში“ გადავიდა.

საუკეთესო გერმანელი და გერმანიაში მოთამაშე ფეხბურთელების ათეული ასეთი გამოვიდა:

1. ილქაი გიუნდოგანი („სიტი“) – 198 ხმა;
2. ნიკლას ფიულკრუგი („ვერდერი“) – 88;
3. რანდალ კოლო-მუანი („აინტრახტი“) – 69;
4. ჯამალ მუსიალა („ბაიერნი“) – 59;
5. ჯუდ ბელინგემი („ბორუსია“ დორტმუნდი) – 58;
6. კრისტოფერ ნკუნკუ („ლაიპციგი“) – 20;
7. სებასტიან ალერი („ბორუსია“ დორტმუნდი) – 16;
8. ტომას მიულერი („ბაიერნი“) – 13;
9. ვინჩენცო გრიფო („ფრაიბურგი“) – 8;
10. იონას ჰექტორი („კიოლნი“) – 6