ის არ მომკვდარა, მოკლეს! - არგენტინელები მარადონას სიკვდილს აპროტესტებენ

არგენტინაში ჩატარდა მიტინგი, სადაც დიეგო მარადონას სიკვდილის გარემოებების სამართლიანი გამოძიება მოითხოვეს.

ორგანიზატორთა განცხადებით, მათი მთავარი ლოზუნგები იყო – „ის არ მომკვდარა, მოკლეს!“; „სამართალი დიეგოსთვის“; „სასამართლო და სასჯელი დამნაშავეებს“.

მომიტინგეები ბუენოს აირესის ცენტრში შეიკრიბნენ და მსვლელობა მოაწყვეს.

აღსანიშნავია, რომ 8 მარტს იუსტიციის დეპარტამენტმა მარადონას სიკვდილის გამოსაძიებლად სამედიცინო კომისიის შეკრება დააანონსა.

This image has an empty alt attribute; its file name is Capture3465376.png

This image has an empty alt attribute; its file name is skysports-diego-maradona-maradona_5300520-1024x576.jpg

მარადონა 60 წლის ასაკში გარდაიცვალა. ის საკუთარ სახლში, ბუენოს–აირესის გარეუბანში გულის შეტევით დაიღუპა. სიკვდილამდე 2 კვირით ადრე არგენტინელი საავადმყოფოდან გამოწერეს, მან თავის ტვინზე ოპერაცია გაიკეთა.