ირმამ ოქრო მოიგო, ნინამ ვერცხლი

ვაშინგტონში მოფარიკავეთა მსოფლიო თასის გათამაშებაზე ირმა ხეცურიანმა ხმლით ფარიკაობაში ოქროს მედალი მოიპოვა. ქართველმა ფინალში იტალიელ პასკუიონოს ​15:11 მოუგო და 2023 წელს პირველი ოქროს მედლის მფლობელი გახდა.

ნახევარფინალში ირმამ უნგრელი მეზო ​ანგარიშით 15:4 დაამარცხა.

ტურნირზე წარმატებით გამოვიდა ნინა თიბილაშვილიც. მან ეტლით ფარიკაობაში მსოფლიო თასზე ხმლის ასპარეზობაში ვერცხლის მედალი მოიპოვა.

შეგახსენებთ, რომ ერთი დღით ადრე ირმა ხეცურიანი რაპირით გამოსვლისას ვერცხლის მედალს დაეუფლა.