ზურიკომ გაიტანა და ბორდოს მოაგებინა

ზურიკო დავითაშვილმა გაიტანა და ამ გოლით „ბორდოს“ 3 ქულა მოუტანა.

„ბორდომ“ ლიგა 2-ის ლიდერ „ანჟერს“ ქართველის ერთადერთი გოლით მოუგო – 1:0.
ტრავმის შემდეგ დაბრუნებული დავითაშვილი ძირითად შემადგენლობაში იყო და 89-ე წუთზე შეცვალეს.

ჩვენიანს პირველ ტაიმში შეეძლო გატანა, მაგრამ მისი თავური ოდნავ ასცდა მიზანს. გოლი კი 70-ე წუთზე გავიდა. ლივოლანის ფლანგური პასით ზურიკომ მცველს დაასწრო და ბურთი ლამაზად ჩასვა კარში.

მალევე, 72-ე წუთზე მასპინძლები მოედანზე 10 კაცით დარჩნენ, მცველი, ჟან მარსელინი გააძევეს.

ზურიკომ სეზონში მეორე გოლი შეაგდო, პლუს 3 საგოლე პასი.

დავითაშვილის შეფასებებია: flashscore – 7.4, sofascore – 7.1.

ბორდო – ანჟე 1:0
გოლი: დავითაშვილი (70)
გაძევება: მარსელენი (72, ბორდო)

22 ტურის შემდეგ „ბორდომ“ 28 ქულა დააგროვა და მე-13 ადგილზე დაწინაურდა.